Inzoka makumyabiri,utunyamasyo tubiri n’inkende imwe byari bihishe mu dusanduku twabonetse mu mizigo yagenzuwe mu ndege yavaga i Bangkok, abayobozi bafata izo nyamaswa babikesheje amakuru yatanzwe.
Abakozi ba gasutamo ku kibuga cy’indege cya Chennai baratangaye ubwo bafataga inyamaswa zigera kuri 24 zari zishimutiwe mu mizigo yagenzuwe y’uyu mugabo.
Uyu kizigenza mu gushimuta inyamaswa yafatanwe inzoka 15 za kingsnakes,inziramire eshanu,utunyamasyo tubiri twa aldabra n’inkende imwe ya De (...)

Sponsored Ad

Inzoka makumyabiri,utunyamasyo tubiri n’inkende imwe byari bihishe mu dusanduku twabonetse mu mizigo yagenzuwe mu ndege yavaga i Bangkok, abayobozi bafata izo nyamaswa babikesheje amakuru yatanzwe.

Abakozi ba gasutamo ku kibuga cy’indege cya Chennai baratangaye ubwo bafataga inyamaswa zigera kuri 24 zari zishimutiwe mu mizigo yagenzuwe y’uyu mugabo.

Uyu kizigenza mu gushimuta inyamaswa yafatanwe inzoka 15 za kingsnakes,inziramire eshanu,utunyamasyo tubiri twa aldabra n’inkende imwe ya De Brazza,zari mu dusanduku twasanzwe mu mizigo ye yagenzuwe mu ndege yavaga i Bangkok, abayobozi babivumbuye nyuma y’amakuru bamenyeshejwe ko bishoboka ko harimo magendu.

Inyamaswa zasuzumwe kugira ngo barebe ko zifite ubuzima bwiza mbere yo koherezwa muri Thailand mu ndege ya Thai Airlines.

K R Uday Bhaskar, komiseri mukuru muri gasutamo ya Chennai, yagize ati: “[Inyamaswa] zoherejwe kuko byari kugorana ko zibaho hano.”

Umugabo bivugwa ko yari ashimuse izi nyamaswa ku kibuga cy’indege ngo yitwa Mohammed Shahiel,Umuhinde wavuze ko yahawe iki gikapu abwirwa ko agomba kugiha undi mugabo bari guhurira Chennai mu Buhinde.

Kubera ko atari afite icyangombwa cyo mu Buhinde cya AQCS (Animal Quarantine and Certification Services) kimwemerera gusohora izi nyamaswa niyo mpamvu atafunzwe.

Ababishinzwe baracyashaka umugabo Shahiel yagombaga guha icyo gikapu mu Buhinde ariko nta muntu n’umwe wafunzwe kubera iki kibazo.