Umugore yafunzwe azira kuniga umwana we kugeza apfuye kugira ngo ahishe ibimenyetso by’uko yasambanye bakamutera inda.
Ikinyamakuru The Chronicle kivuga ko Trasia Mathe ukomoka muri Zimbabwe, yaciye inyuma umugabo we ubwo yari yagiye gupagasa muri Afurika y’Epfo, maze aratwita.
Amaze kumenya ko umugabo we ari hafi kugaruka,yatewe ubwoba no kumenya ko umugabo we azaza agasanga umwana atari uwe, bituma ahitamo kwica uyu mwana akivuka.
Yabyaye mu Kuboza yibaruka umwana w’umukobwa. Icyakora, (...)

Sponsored Ad

Umugore yafunzwe azira kuniga umwana we kugeza apfuye kugira ngo ahishe ibimenyetso by’uko yasambanye bakamutera inda.

Ikinyamakuru The Chronicle kivuga ko Trasia Mathe ukomoka muri Zimbabwe, yaciye inyuma umugabo we ubwo yari yagiye gupagasa muri Afurika y’Epfo, maze aratwita.

Amaze kumenya ko umugabo we ari hafi kugaruka,yatewe ubwoba no kumenya ko umugabo we azaza agasanga umwana atari uwe, bituma ahitamo kwica uyu mwana akivuka.

Yabyaye mu Kuboza yibaruka umwana w’umukobwa. Icyakora, Mathe ngo yanize uruhinja kugeza rupfuye, arushyingura mu busitani bwe.

Umugabo we agarutse avuye muri Afrika yepfo, nyuma y’iminsi mike yabonye amabere ya Mathe yabyimbye ndetse nyuma aza kumenya ukuri.

Icyakora, ntiyigeze amenyesha abapolisi imyitwarire y’umugore we kugeza igihe umuntu utazwi yahaye ayo makuru abashinzwe umutekano.

Amakuru avuga ko Mathe yatawe muri yombi akazanwa imbere y’umucamanza utuye Tsholotsho, Victor Mpofu, wamufunze by’agateganyo.

Nkuko amategeko ya Zimbabwe abiteganya,iyo umugore atumye umwana we apfa mu gihe cy’amezi 6 akimara kubyara, aregwa icyaha cyo kwica umwana atabigambiriye kabone nubwo yaba yabikoze abishaka.

Imyizerere ni uko umugore ukoze ibyo afatwa nk’umuntu wari wataye umutwe mu gihe cyo kubyara, bityo bigafatwa nk’akarengane kumushinja ubwicanyi.

Igihano ntarengwa cyo kwica uruhinja rumaze amezi 6 kumanura,ni igifungo cy’imyaka 5, nubwo abantu bamwe bahabwa ibihano byo gukora imirimo rusange.