skol
Kigali

Umugore w’imyaka 33 wabyaye abana 12 mu myaka 17 ameranye nabi n’umugabo we ushaka abandi bana

Ubuzima   Yanditswe na: Dusingizimana Remy 17 June 2022

Madamu Britni Church w’imyaka 33, ukomoka mu mujyi wa Arkansas, muri leta ya Kansas, yari afite imyaka 16 igihe yabyaraga umwana wa mbere muri 2004, akabyara abandi bana batatu kuva ku myaka 17 kugeza 19.

Yabyaye abandi bana bane afite imyaka 20 kandi yakira batatu afite imyaka 30.Umwaka ushize, afite imyaka 32, yibarutse umwana wa 12.

Madamu Church wamaze amezi agera kuri 98 atwite aba bana bose, yatangaje ko yumva ’yararangije’ ibyo kubyara, ariko umugabo we, Chrisw’imyaka 30 we ngo aracyifuza kubyara abandi bana.

Bari kumwe, babyaranye Silas w’imyaka irindwi, Christopher Jr. w’imyaka itanu, impanga 3 zirimo Oliver, Asher, na Abel bafite imyaka itatu na Rowyn w’amezi 11.

Church afite kandi abana batandatu bakuru yabyaranye n’abandi bagabo babiri bakundanye mbere barimo uwitwa Crizman, 17, Jordan, 16, Caleb, 14, Jace, 13, Cadence, 12, na Jesalyn, 10.

Madamu Church yatangarije Today ati: ’Ntekereza ko narangije’, nubwo yemeje ko umugabo we, Chris, w’imyaka 30, ashaka kuzabyara abandi bana benshi.

Madamu Church yamaze imyaka itatu arera abana batanu wenyine mbere y’uko ahura na Chris ku kazi muri 2014.

Umwana we w’imfura, Crizman, yarangije amashuri kaminuza mu kwezi gushize kandi ajya kungana na nyina.

Uyu mugore yabyaye abahungu 7 n’abakobwa 5 mu myaka 17 gusa amaze abyara.Yavuze ko abana be bose yababyaye neza uretse impanga 3 yabyaye abazwe.

Yavuze ko afite ubuzima bwiza ndetse nta kibazo yagira aramutse abyaye umwana wa 3 gusa yemeje ko benshi mu bamukurikira ku mbuga nkoranyambaga bakunze kumubaza imodoka atwaramo abo bana n’akayabo ashora mu kubagaburira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ikigo abahungu bambara amajipo gikomeje guca ibintu

Ishuri ryo muri Uganda ryaciye ibintu ku mbuga nkoranyambaga nyuma y’aho...
30 June 2022 0

Umusaza yiguriye isanduku y’akataraboneka azashyingurwamo napfa

Umusaza w’imyaka 87 ukomoka ahitwa Busia, muri Kenya yaguze isanduku nshya...
29 June 2022 0

Ghana: Abasinzi bishakiye igisubizo nyuma yo gupfa kwa bagenzi babo...

Ishyirahamwe ry’abasinzi bo muri Ghana ryatangije porogaramu ya E-Drink...
29 June 2022 0

Umusore yahuye n’uruva gusenya ubwo yashakaga kwambikira umukunzi we impeta...

Umusore washakaga gutungura umukunzi we ngo amwambike impeta amusaba ko...
28 June 2022 0

Yafashwe yiba igitoki ategekwa kugihekenya cyose ari kibisi

Umugabo wo mu gihugu cya Ghana yahuye n’uruva gusenya ubwo yafatirwaga mu...
28 June 2022 0

Umuhanzikazi w’imyaka 21 yarashwe n’umugabo we w’imyaka 79 azira gusaba...

Umuririmbyikazi yarashwe n’umugabo we ugeze mu za bukuru nyuma yo kugerageza...
28 June 2022 0