skol
Kigali

Umugore yatse gatanya kubera umugabo we umusaba ko batera akabariro inshuro nyinshi

Ubuzima   Yanditswe na: Dusingizimana Remy 4 November 2020

Umugore witwa Minute Chola,ukomoka mu gace kitwa Talayi mu karere ka Milenge muri Zambia yagiye mu nkiko gusaba gatanya kubera ko umugabo we amuzengereza amusaba ko batera akabariro inshuro nyinshi.


Uyu mugore w’imyaka 42 yabwiye urukiko rwa Milenge ko atagishoboye kwihanganira ubushake bukabije bw’umugabo we bwo gutera akabariro inshuro nyinshi.

Yagize ati “Ntabwo meranye neza n’umugabo wanjye Maybin Chisala w’imyaka 45,kubera gushaka gutera akabariro mu buryo budasanzwe.”

Madamu Chola yabwiye urukiko ko aherutse kurwara uburwayi bwatumye abaganga bamusaba kugabanya gukora imibonano mpuzabitsina n’imirimo ivunanye.

Yavuze ko ubu burwayi bugaruka iyo akoze imibonano mpuzabitsina cyane gusa ngo umugabo we yamwimye agahenge ahora amusaba ko batera akabariro.

Ati “Tumaze imyaka 7 dushyingiranwe ariko umugabo wanjye ansaba ko dutera akabariro n’igihe ndi mu mihango gusa anansha inyuma kuko agirana imishyikirano idasanzwe n’abandi bagore.”

Uyu mugore yavuze ko ikigeretse kuri ibyo ari uko umugabo we ari umusinzi ndetse adatanga amafaranga yo kwita ku bana 2 babyaranye n’abandi 9 yabyaranye n’undi mugore.

Mu kwiregura,Bwana Chisala ukuriye abatetsi bo ku kigo cy’amashuri yisumbuye cya Milenge,yavuze ko umugore we ari umunyamagambo ndetse yamwambitse urubwa mu gace batuyemo,ku kazi aho akora no mu miryango yabo kuko ngo ibijyanye n’uko batera akabariro yabigize nk’indirimbo.

Uyu mugabo yavuze ko uyu mugore we yimutse mu cyumba bararamo gusa yifuza ko bakomeza kubana ngo kuko akimukunda.

Umucamanza yemeje ko aba bombi bagomba gutandukana ariko uyu mugore nta mperekeza agomba guhabwa kuko ngo ari umugore wa kabiri.

Bwana Chisala yasabwe gushyira ubuzima bwe ku murongo akagabanya gutekereza akabariro n’inzoga ahubwo akita ku bana be 11.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugore w’imyaka 57 yahishuye ko yasubiye mu mihango nyuma yo guterwa...

Umubyeyi aravuga ko asigaye ava amaraso mu gitsina nyuma yo kubona igipimo...
18 September 2021 0

Amagambo aryoheye amatwi 4 wabwira umukunzi wawe akamurutira andi yose...

Iyo abantu bakimena bifuza ku rushinga, usanga hari byinshi bwirana mu...
17 September 2021 0

Babyutse mu gitondo basanga umurambo w’umuntu wabo wibwe

Abantu batazwi bateye irimbi rya Kawiku mu karere ka Mwinilunga muri...
17 September 2021 0

Umugore amaze iminsi 5 agendana icyapa cyanditseho ko ashaka...

Umugore witwa Baby Nai ukomoka muri Buza Temeke mu gihugu cya Tanzania...
17 September 2021 0

Umuzunguzayi w’umugore yatuye hasi Umunyerondo ku isoko rya Nyarugenge

Abagore 2 bikekwa ko bari mu bucuruzi butemewe [Abazunguzayi] bateraniye...
16 September 2021 0

Impuguke mu ikoranabuhanga yapfuye hashize icyumweru itsindiye amasezerano...

Impuguke mu bijyanye n’ikoranabuhanga ikomoka muri Nijeriya, David Gbodi...
16 September 2021 0