skol
fortebet

Umugore yavumbuye ko umugabo we amuca inyuma biteza imvururu mu ndege

Yanditswe: Thursday 09, Nov 2017

Sponsored Ad

Indege ya Qatar Airways yahagaze aho itagombaga guhagarara kubera umugore wafashe umugabo amuca inyuma.
Ikinyamakuru Hindustan Times cyandikirwa mu Buhindi, cyatangaje ko uwo mugore wo mu gihugu cya Iran yashatse gukoresha telefoni y’umugabo we bari kumwe mu ndege ariko kuko umugabo yari yasinziriye, yabuze uko ayifungura kuko yarimo ijambo ry’ibanga (password).
Uwo mugore yafashe urutoki rw’umugabo we wari usinziriye maze arucisha kuri telefoni ku bw’amahirwe irafunguka.
Igifunguka (...)

Sponsored Ad

Indege ya Qatar Airways yahagaze aho itagombaga guhagarara kubera umugore wafashe umugabo amuca inyuma.

Ikinyamakuru Hindustan Times cyandikirwa mu Buhindi, cyatangaje ko uwo mugore wo mu gihugu cya Iran yashatse gukoresha telefoni y’umugabo we bari kumwe mu ndege ariko kuko umugabo yari yasinziriye, yabuze uko ayifungura kuko yarimo ijambo ry’ibanga (password).

Uwo mugore yafashe urutoki rw’umugabo we wari usinziriye maze arucisha kuri telefoni ku bw’amahirwe irafunguka.

Igifunguka yakubiswe n’inkuba abonye video aho umugabo we yamucaga inyuma.

Abari mu ndege ntibashoboye guhosha uburakari bw’uwo mugore ahubwo yahise yadukira umugabo we maze aramuhondagura, ku buryo byatumye umupilote ahagarika indege aho itajyaga kubera urwo rusaku rwari mu ndege.

Iyo ndege yaturukaga I Doha igana Bali mu Buhindi igihe ibyo byabaga ku wa 5 Ugushyingo uyu mwaka. Uwo mupilote byabaye ngombwa amanura indege kugirango uwo mugabo, umugore n’umwana bari kumwe babashe gukurwa mu ndege.

Icyo kinyamakuru cyagize kiti “ Uwo muryango wamaze umunsi wose I Chennai. Nta kintu polisi yabikozeho”.

Ikinyamakuru cyandikirwa I Chennai aho iyo ndege yahagaze, New Indian Express, cyo cyatangaje ko umuyobozi w’icyo kibuga cy’indege, yagitangarije ko uwo mugore yari yasinze ku buryo batagombaga kumwemerera gukomeza zitaramushiramo.

Ibi bibaye kandi mu gihe mu minsi ishize ikinyamakuru The Independent cyanditse inkuru y’ abagenzi babiri bafatiwe mu ndege ya Delta Air bakora imibonano mpuzabitsina ubwo indege barimo yavaga i Los Angeles igana Detroit muri Leta zunze ubumwe z’Amerika.

Umugore w’imyaka 48 icyo gihe yahise atabwa muri yombi akiri mu ndege kubera imibonano yo mu kanwa (Orol sex) yakoreraga umugabo wari ufite imyaka 28.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa