skol
Kigali

Umurage yahawe n’ababyeyi yawukoresheje mu kwibagisha amabere yari amubereye ikigeragezo [AMAFOTO]

Ubuzima   Yanditswe na: Dusingizimana Remy 1 March 2022

Umugore yatangaje ko yakoresheje amafaranga y’umurage we mu kugabanya amabere ye yamutezaga ibibazo.

Nk’uko Toni Lewis abitangaza, ngo amabere ye yari aremereye cyane ku buryo yamuteye ububabare bw’umugongo no kuva amaraso rimwe na rimwe.

Toni, ufite imyaka 27, yavuze ko yahanganye n’ikibazo cyo kwiheba kubera igituza cye cyamubuzaga kubona akazi ko kubyina kuko atari gushobora kubona imyenda imukwiriye.

Toni ukomoka i Newport, mu majyepfo ya Wales, avuga ko yagiye kureba abaganga ba NHS kugira ngo arebe niba ashobora gukoresha ubwishingizi bw’ubuzima bwe kugira ngo agabanye amabere ye, ariko icyifuzo cye nticyakirwa.

Toni yagize ati: “Nagiraga ububabare bukabije bw’umugongo no kuva amaraso. Nubwo nahagaritse gukura ngeze mu bwangavu, amabere yanjye yakomeje kwiyongera no kuremera.

Nta sutiye nambaye, yaramanukaga agakora ku mukondo. Byanshiye intege kandi bintera kwiheba. Ntabwo nashoboraga kujya kugura isutiye ntari kurira.

Umutegarugori yambwiye ingano y’isutiye ndarira. Kugura Bikini ntibyashobokaga. Ntabwo byashobokaga kwambara ikanzu ifite ibifungo kuko byari kujya byifungura. Ntibyari bishimishije. Numvaga ntewe isoni n’amabere yanjye.

Nk’umwangavu, abagabo barebaga igituza cyanjye cyane kandi bamwe bakanegura. Byarambabaje cyane. Nakuze mbyina kuva mfite imyaka itatu kandi nitozaga kubyina muri kaminuza.

Ibyo byari ibintu byanjye kandi nashakaga kubikora nk’umwuga. Ariko sinashoboye kubona akazi kuko imyambarire yo kubyinana ntabwo hakorwa minini mu nda.

Mu myaka mike ishize, imyitozo ngororamubiri yarushijeho kuba ingorabahizi kuko natangiye kwambara amasutiye menshi kugira ngo nkore imyitozo yoroheje. »

Toni yagiye k’umuganga amusaba kugabanya amabere afite imyaka 19, ariko nubwo yari yambaye imyenda ingana na 8/36 bamubwiye ko agomba kugabanya ibiro kugirango abagwe.

Ndetse na nyuma yo gutakaza ibiro birenga 10, abaganga bamubwiye ku nshuro ya kabiri ko badashobora kumubaga kubera ibiro bye,igihe yari afite imyaka 21.

Igihe Toni yaburaga sekuru na nyirakuru, nyina yamusabye ko yakoresha amafaranga y’umurage we kugira ngo yiyishyurire igiciro cyo kwibagisha amabere, maze mu Kuboza 2021, agabanya amabere agera ku ngano yifuje imyaka myinshi.

Ubu,avuga ko yumva ari muzima kandi ko atakihebye. Avuga ko ubu akoresha amashusho ye ya TikTok kugira ngo ahumurize abagore bafite amabere manini.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble tete

    Ni byiza rwose👍 ibyo yakoze nange nabikora

    2 months ago

Inzindi nkuru

Umunya Ukraine yahishuye uko yarokotse by’igitangaza nyuma yo kuraswa...

Umugabo wo muri Ukraine yagize amahirwe adasanzwe yo kurokoka nyuma yo...
18 May 2022 0

Kenya:Umujyi wakiriye inama ikomeye uratabaza kubera ibura rikabije...

Umujyi wa Kisumu wibasiwe n’ibura ry’udukingirizo kuko utungana n’ibihumbi...
17 May 2022 0

Bugesera: Yibye imbwa y’umuturanyi bamufata ari kuyibaga ngo agurishe...

Umugabo wo mu Murenge wa Gashora, Akagari ka Ramiro mu Karere ka Bugesera,...
17 May 2022 0

Umugabo washyingiranwe n’abagore 9 icyarimwe yahishuye umusaruro...

Umugabo ufite abagore icyenda arifuza ko bose bamubyarira abana kandi mu...
17 May 2022 1

Umugabo yahaye igihano gikomeye umugore we yaguye gitumo ari kumuca...

Umugabo wafashe umugore we ari kumuca inyuma yahisemo kumuha igihano...
16 May 2022 0

Utuntu 12 dutangaje utari uzi kandi dufite akamaro ku buzima bwacu bwa buri...

Nyamara hari ibindi bintu binyuranye ushobora gusanga utari uzi kandi...
16 May 2022 0