skol
Kigali

Ruhango: Abagizi ba nabi batemye imyaka y’uwarokotse Jenoside indi barayangiza bikomeye

Amakuru   Yanditswe na: Dusingizimana Remy 7 April 2020

Mu ijoro ryo kuri uyu wa 06 rishyira uwa 07 Mata 2020, mu Mudugudu wa Nyagasozi, Akagari ka Buhoro, Umurenge wa Ruhango ho mu Karere ka Ruhango, abantu bataramenyekana biraye mu myaka y’uwitwa Nyiramporampoze Chantal warokotse Jenoside yakorewe abatutsi barayitemaguza bayararika hasi.


Imyaka yangijwe n’aba bagizi ba nabi igizwe n’urutoki aho batemye insina 43, batemagura imyumbati ndetse bangiza Soya.

Mu kiganiro umuyobozi w’Akarere ka Ruhango,Habarurema Valens,yahaye ikinyamakuru Intyoza dukesha iyi nkuru,yemeje ko amakuru y’ubu bugome bwakorewe Nyiramporamboze Chantal,ari ukuri gusa batarayamenyaho byinshi ariko bari gukurikirana ababikoze ngo batabwe muri yombi.

Ati“ Turacyabikurikirana, ntabwo turamenya neza ibirenze ibyo ngibyo”.

Abajijwe ibyo baba bamaze kugeraho niba ibyabaye haba hari isano bifitanye n’ibihe byo Kwibuka ku nshuro ya 26 Jenoside yakorewe Abatutsi, Abanyarwanda binjiyemo, yagize ati“ Ntabwo turarangiza gukora isesengura ngo dufate umwanzuro, turacyabirimo n’ubu nibyo turimo kureba”.

Nyiramporampoze w’imyaka 31 yarokotse Jenoside yakorewe Abatutsi muri Mata 1994, imyaka ye ihinze yari ihinze ku buso bwa m 30/ m 20.

Yasanze abantu bataramenyekana bamutemeye insina 43, imyumbati ndetse na soya byari mu murima we.

Uyu wangirijwe imyaka yahungabanye, biba ngombwa ko afashwa n’abajyanama mu ihungabana.

Ibikorwa by’urugomo nk’iki bivuzwe mu gihe u Rwanda n’Isi byatangiye iminsi 100 yo kwibuka Jenoside yakorewe Abatutsi, ikaba irimo icyumweru (iminsi 7) k’icyunamo, ibikorwa byatangijwe na Perezida wa Repubulika y’u Rwanda Paul Kagame kuri uyu wa kabiri tariki 7 Mata 2020.

Meya Habarurema yabwiye Intyoza.com ko hari umuturanyi ukekwaho iki gikorwa cy’ubugome bari basanzwe bafitanye amakimbirane. Gusa uyu nawe ngo ni ugukekwa kuko nta gihamya gikomeye mu gihe iperereza ryo rigikomeje. Avuga kandi ko iki aricyo gikorwa cya mbere kigaragaye mu karere kose ka Ruhango.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Abobantu rwox nabaroz bashakishwe

    June 2020
  • chat_bubble Alain Kevin

    uwo bamuhane rwose kuko ibyo ntibikwiye ejo bundi banatema nyiri urutoki

    April 2020
  • chat_bubble Rukundo olivier

    Abobagizibanabimubashakishemubafatemubahanishamategekokukonanokubababarirakukoninkahobagatemyenyirayomubakumirebatagarurumwiryanekanditwaritumazekwiyumva.natwenidushakabadusererezabashakakuvanguramoko.

    April 2020
  • chat_bubble kweza

    abagome nkaba ntabwo Imana yakwemera ko basubirana ubutegetsi ubuziraherezo. ahubwo bazangara kimwe n’abafite ibitekerezzo nk’ibyabo

    April 2020
  • chat_bubble Patapata

    Ariko c abantu nkabo nibo bita abahutu.Mbega ubwoko butagira ubwenge !!!!
    Abandi twabaye abanyarwanda naho we aracyafite ubucucu bwo kwangiza ngo yerekane ko ari umuhutu .Niba kuba umuhutu bisaba kugira nabi birakabahama muzapfe gutyo

    April 2020
  • chat_bubble danny

    ibize nkububugome kweri ubuse koyatemye insina nimyumbati iyowe amubona? sha ntikarashira kok? ariko urabeshya uzafatwa ubiryozwe wankozi yibibiwe

    April 2020

Inzindi nkuru

Musanze: Polisi yafashe Bane mu bacyekwaho kwica Habimana Gadi

Habimana Gadi bivugwa ko yaburiwe irengero ku wa 13 Kanama uyu mwaka, aho...
17 August 2021 0

Ambassade y’u Rwanda muri Senegal bibutse Jenoside yakorewe Abatutsi mu...

Ku tariki ya 07 Mata 2021, Ambasade y’u Rwanda mu Gihugu cya Senegal...
8 April 2021 1

Itangazo: Uwitwa Ishimwe Beni Rickson yasabye guhindura amazina akitwa...

Uwitwa Ishimwe Beni Rickson yasabye guhindura amazina mu buryo bwemewe...
12 November 2020 0

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 8