skol

Perezida Nkurunziza yahanuye ibizaba i Burundi, Isi igahagarara

Amakuru   Yanditswe na: 8 January 2017

Ijambo Perezida Pierre Nkurunziza w’u Burundi yavuze tariki 31 Ukuboza 2016 yifuriza Abarundi umwaka mushya muhire wa 2017, rikomeje kugarukwaho no gusesengurwa mu buryo butandukanye, cyane ko ibyo yashatse kuvuga bigoye kubisobanukirwa, gusa yavuze ko isi igiye guhinda umushyitsi kubera u Burundi, mu ijambo rigaragara nk’ubuhanuzi bukomeye.

Iri jambo rya Perezida Nkurunziza, ajya kuribwira Abarundi yabasabye ko abafite aho bandika bakwiye kuhashaka, abafite amabendera y’igihugu bakayazamura, abanyamakuru nabo bakitegura gutangaza ibyo agiye kugeza ku baturage kuko ari ibintu bikomeye cyane.

Perezida Nkurunziza ati: "Abafite ibindera ry’u Burundi barizamure cyane, abicaye mwese muhaguruke, abandika mufate urupapuro mwandike, abanyamakuru bari ku ruhande rwacu mufate neza ibyo tugiye kubabwira. Ibyo ngiye kubabwira uyu munsi..., mubyumve kandi mubifate nk’ihame rikomeye... Icya mbere, ijwi ry’Imana ishobora byose, umuremyi w’ijuru n’isi, rigiye gutigitisha isi n’ijuru kubera igihugu cy’u Burundi... Icyo ni icya mbere. Icya kabiri, Imana ishobora byose umuremyi w’ijuru n’isi, igiye gukuraho ibinyeganyezwa byose, kugirango hasigare ibitanyeganyezwa."

Mu ijambo rya Perezida Nkurunziza, yanavuze ko Abarundi n’abanyamahanga bagiye kumenya ko u Burundi ari igihugu cy’Imana, kandi ko umuriro w’Imana ugiye gutwika ibidafite umumaro byose, maze asaba abarundi kwitegura kubihamya muri Afurika no ku isi yose.

Hari abumvise iri jambo nk’ubuhanuzi bw’umuvugabutumwa w’umunyapolitiki Pierre Nkurunziza, ariko hari n’abagaragaza ko uyu mukuru w’igihugu hari ikintu kibi yaba azi ko kigiye kubera i Burundi. Urubuga Paris Global Forum rwo rugaragaza ko iri jambo, rijya gusa n’iryo Col Theoneste Bagosora wari umugaba mukuru w’ingabo z’u Rwanda mbere ya Jenoside, yavugiye i Arusha avuga ko agiye gutegura imperuka.

Src:Ukwezi

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amatora :Uko byifashe mu Bufaransa ku munsi wanyuma wo kwiyamamaza

Kuri uyu Wagatanu tariki ya 8 Mata 2022 niwo munsi wanyuma wo kwiyamamaza...
8 April 2022 0

Congo: Inyeshyamba zongeye kurasa undi musirikare wa MONUSCO

Amakuru aturuka muri Congo ,mu ngabo za MONUSCO aravuga ko undi musirikare...
6 April 2022 0

Bimwe mu bihungu by’u Burayi byatangiye kuvuga ko ibihano byafatiwe u...

Minisitiri w’Intebe wa Pologne, Mateusz Morawiecki, yavuze ko ibihano barimo...
3 April 2022 0

DR Congo: Inyeshyamba za M23 zarekeye imirwano

Ingabo z’inyeshyamba za M23 zimaze iminsi mu mirwano n’ingabo za leta FARDC...
2 April 2022 0

Perezida wa Ukraine yirukanye abayobozi bakomeye bo munzego...

Umukuru w’ihugu cya Ukraine Volodymyr Zelenskiy yatangaje ko yerukanye...
1 April 2022 0