skol

Inyeshyamba zarasiwe I Rubavu zashyinguwe

Amakuru   Yanditswe na: Nsanzimana Ernest 11 December 2018

Inyeshyamba bikekwa ko ari iza FDLR zagabye igitero mu murenge wa Busasamana mu karere ka Rubavu zikaraswa n’ ingabo z’ u Rwanda zashyinguwe hafi yaho zarasiwe.


Gahungu Theoneste, Umuyobozi w’Umudugudu mudugudu wa Cyamabuye mu kagari ka iyi mirwano yabereyemo yavuze ko amasasu yatangiye kumvikana cyane nka saa sita n’iminota 48, agaceceka saa saba. Gahungu ngo acyumva amasasu yahise ahamagara Umunyamabanga Nshingwabikorwa w’Umurenge. Gahungu avuga ko ingabo zari hafi zigahita zirasana n’aba bateye.

Mu gitondo cyo kuri uyu wa Mbere inzego z’ umutekano n’ abayobozi bakoranye inama n’abaturage. Abitabiriye iyi nama beretswe imirambo ine (4) y’abarasiwe muri iyi mirwano bagapfa, nta warashwe cyangwa uwakomeretse ku ruhande rw’u Rwanda watangajwe cyangwa werekanywe, bavuze ko umuturage umwe ariwe wakomerekejwe n’isasu akaba ari kuvurwa.

Ubuyobozi bwavuze ko nubwo herekanwe imirambo ine, abateye ngo basubiranyeyo indi mirambo itatu(3), bivuze ko inyeshyamba zishwe ari zirindwi nk’uko byavugiwe muri iyi nama.

Muri iyi nama abaturage batangaje ko aba bantu barashwe bose nta n’umwe bazi cyangwa bigeze babona muri aka gace mbere.

Col Muhizi Pascal uyobora brigade ya 301 ikorera Nyabihu na Rubavu yabwiye abaturage ko umutekano uhari kandi nta uzawuhungabanya ingabo zihari.

Ati “Ndabasaba ko mwakomeza gahunda zanyu, nta mwanzi wahungabanya umutekano w’u Rwanda, nabaje mubonye isomo bahaboneye… N’iyo bagaruka bikubye inshuro 10 ntacyo badutwara ingabo zacu zirakomeye.“

Aka gace gahana imbibe n’agace k’ikirunga cya Nyiragongomuri Congo aho aba barwanyi bateye baturutse bakanasubirayo.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

“Hari benshi yatekeye umutwe” Byinshi wamenya ku ifungwa rya Dr....

Ku munsi w’ejo ni bwo Urwego rw’Igihugu rw’Ubugenzacyaha (RIB) rwatangaje ko...
23 May 2022 1

Dr Vincent Biruta yerekekeje Bwongereza kunoza ibiganiro byanyuma byo...

Minisitiri w’Ububanyi n’Amahanga w’u Rwanda, Dr Vincent Biruta ari mu...
19 May 2022 0

Abunganira Bucyibaruta ntibizera ukuri kw’abatangabuhamya bafunzwe

Ku munsi wa gatanu w’urubanza rwa Bucyibaruta, ubwo harebwaga Filimi...
18 May 2022 0

Huye: Uwasambanyije Umwana yavuze ko yabitewe n’amadayimoni na Primus...

Umugabo w’imyaka 55 y’amavuko wo mu Karere ka Huye ukurikiranyweho gusambanya...
11 May 2022 0

Ubuzima bw’abaryamana bahuje ibitsina bagiye koherezwa n’u Bwongereza...

Lata y’u Bwongereza yatekereje by’umwihariko ku baryamana bahuje ibitsina ,...
11 May 2022 0

Icyiciro cya mbere cy’abimukira kizazanwa mu Rwanda cyamenyeshwejwe igihe...

Abimukira bari mu Bwongereza mu buryo bunyuranyije n’amategeko, bamwe muri...
10 May 2022 0