skol
Kigali

Habonetse umubare munini w’abanduye Covid-19 muri gereza ya Nsinda

Amakuru   Yanditswe na: Dusingizimana Remy 10 November 2020

Ministeri y’ubuzima mu Rwanda yatangaje ko yaraye ibonye umubare munini w’abanyururu banduye COVID 19 muri Gereza ya Nsinda.

Kuri ubu hariho icyoba ko umubare w’abanduye waba ari munini kurusha abamaze kugaragara dore ko iyi gereza ari nayo icumbikiye abantu benshi.

Byatangajwe na Ministiri w’ubuzima, Daniel Ngamije, abicishije kuri televiziyo y’igihugu ku wa kabiri.

Yavuze ko ku munsi w’ejo abashinzwe ibikorwa byo gupima batunguwe ubwo bageraga mu bitaro bya Rwamagana mu gace kagenewe kwakira abanyururu bavuye muri iyi gereza ya Nsinda ituranye n’ibi bitaro.

Kuri ubu iyi Gereza iri mu burasirazuba bw’igihugu icumbikiye abanyururu bakabakaba ibihumbi 15 mu gihe ubushobozi bwayo bwari ubwo kwakira abanyururu ibihumbi 9.

Ubu bwandu bwatahuwe muri gereza buje mu gihe ibikorwa byinshi byari bimaze kwemererwa kongera gukora ndetse n’abantu bibwira ko indwara yaba itangiye gucika intege.

Ministiri w’ubuzima avuga ko imibare y’abanduye bashya yamanutse koko ariko ko yakongera gutumbagira mu gihe abantu badohotse ku ngamba zo kwirinda.

Mu gihugu hose ubu hamaze gufatwa ibipimo bigera ku bihumbi 571 byagaragaje abanduye basaga 5200.

Gusa abasaga 4900 bamaze gusezererwa bakize naho 38 bishwe n’iki cyago barimo babiri batangajwe ko bapfuye ku munsi w’ejo baguye mu karere ka Rwamagana karimo Gereza ya Nsinda.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisiteri y’Ubuzima yafunze Ibitaro bya Baho International Hospital

Minisiteri y’Ubuzima yatangaje ko ivuriro ryigenga ryitwa Baho International...
18 September 2021 0

Kigali:Wa mugabo wiyahuye kuri Etaje yo mu mujyi rwagati yapfuye

Umugabo uri mu kigero cy’imyaka 28 wasimbutse kuri etaje ya kabiri...
17 September 2021 0

Abantu 3 bahitanwe na covid-19 mu Rwanda abandi 459 barayikira

Minisiteri y’Ubuzima yatangaje ko kuri uyu wa Mbere,COVID-19 yahitanye...
13 September 2021 0

Dr.Kayumba Christopher yajyanwe kwa muganga yanga gusuzumwa

Umunyamategeko wunganira Umunyapolitiki Dr Christopher Kayumba uherutse...
13 September 2021 0

Abantu 8 bahitanwe na Covid-19 mu Rwanda abandi 227 barayandura

Minisiteri y’Ubuzima yatangaje ko kuri iki Cyumweru, COVID-19 yahitanye...
13 September 2021 0

Covid-19 yahitanye abantu 6 mu Rwanda abandi 368 barayandura

Minisiteri y’Ubuzima yatangaje ko kuri uyu wa Gatandatu, COVID-19 yahitanye...
12 September 2021 0