Ubuyobozi bwa Manchester United bwandikiye ubwa Manchester City busaba ko babongerera imyanya y’abafana babo mu mukino wa shampiyona bazahura,City ibatera utwatsi ibongereraho abantu 70 gusa.

Mu mukino uheruka guhuza aya makipe ku kibuga cya Etihad,Manchester United yahawe imyanya y’abantu ibihumbi 2,792,bituma uyu mwaka isaba City ko yabongerera nibura ikabemerera kuzana abafana ibihumbi 3 ariko yabyanze ibongereraho abantu 70 gusa.

Manchester United yarakaye cyane ndetse ivuga ko nta gahunda yo kongera kwandikira City iyinginga kuko yirengagije ubusabe bwayo.

Manchester City yanze kongerera abafana Manchester United kubera ibibazo by’umutekano muke utezwa n’abafana ba United ndetse ngo ntiyiteguye kongera abashinzwe umutekano ku kibuga.

Manchester United iheruka gutsindira Manchester City ku kibuga cyayo ibitego 3-2 mu mukino watumye abafana bateza umutekano muke ku mpande zombi.