Messi na Pique batangaje umukinnyi bifuza ko FC Barcelona igura
Yanditswe: Thursday 18, Oct 2018
Ba kapiteni babiri b’ikipe ya FC Barcelona,Gerard Pique na Lionel Messi batangaje ko bifuza ko iyi kipe yagura umusore Paul Pogba usanzwe akinira ikipe ya Manchester United.
Aba bakinnyi b’ibyamamare ku isi,barifuza ko uyu musore wafashije ikipe y’Ubufaransa kwegukana igikombe cy’isi giheruka ko yaza muri FC Barcelona mu mpeshyi itaha.
Messi na Pique basabye ubuyobozi bwa Barcelona kugura Pogba
Paul Pogba asanzwe ari inshuti n’abakinnyi ba FC Barcelona barimo Samuel Umtiti na Ousmane Dembele,ndetse bimaze iminsi bivugwa ko FC Barcelona yamaze kumvikana n’umuhagarariye, Mino Raiola hasigaye kumvikana na Manchester United.
Pogba amaze iminsi atumvikana n’umutoza Jose Mourinho ndetse byigeze kuvugwa ko yabwiye ubuyobozj bwa Manchester United ko yifuza gusohoka kugira ngo yerekeze muri FC Barcelona.
Pogba wakuriye mu ikipe ya Manchester United akayivamo yerekeza muri Juventus,yongeye kuyigarukamo mu mwaka wa 2015 ayifasha kwegukana igikombe cya UEFA Europa League.
Leave a Reply
Your email address will not be published. Required fields are marked *